Siyasət

Prezident İpoteka və Kredit Zəmanət Fondu ilə bağlı fərman imzaladı

25 İyul 2025 14:16

Baxış: 3 024

Prezident İlham Əliyev "Azərbaycan Respublikasının İpoteka və Kredit Zəmanət Fondunun Nizamnaməsi"ndə dəyişiklik edilməsi haqqında fərman imzalayıb.

Milli.Az AZƏRTAC-a istinadən xəbər verir ki, fərmana əsasən, fondun nizamnamə kapitalı 1 068 400 000 (bir milyard altmış səkkiz milyon dörd yüz min) manatdan 1 153 400 000 (bir milyard yüz əlli üç milyon dörd yüz min) manata qaldırılır.

Fərmanın icrası İpoteka və Kredit Zəmanət Fondunun nizamnamə kapitalının artırılması (güzəştli ipoteka kreditlərinin maliyyələşdirilməsi) üçün 2025-ci ilin dövlət büdcəsindən Fonda ayrılan 85 000 000 (səksən beş milyon) manat hesabına təmin ediləcək.

Maliyyə Nazirliyi bu fərmanda nəzərdə tutulan məbləğdə maliyyələşməni təmin etməli, fond bu fərmandan irəli gələn məsələləri həll etməlidir.

Milli.Az