Avto

İli 2019-dan köhnə olan maşınlar bahalaşacaq - Yeni QƏRAR

3 Noyabr 2025 16:48

Baxış: 5 730

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #AVTO #AVTOMOBİL #MAŞIN BAZARI

Amerika, Kanada, Koreya, Dubay və başqa ölkələrin hərraclarından alınaraq ölkəyə gətirilən ikinci əl maşınların qiyməti bahalaşacaq.

Milli.Az xəbər verir ki, bu, Vergi Məcəlləsinə təklif edilən dəyişikliklə əlaqəli olacaq.

Belə ki, gələn ildən Azərbaycana idxal olunan istehsal tarixi 7 ildən çox olan minik avtomobilləri üçün aksiz dərəcəsinin artırılması təklif olunur.

Hazırda idxal olunan minik avtomobillərinin istehsal tarixi 7 ildən artıq olduqda, aksiz dərəcəsi benzin mühərrikli minik avtomobillərinə 1,2, dizel mühərrikli minik avtomobillərinə isə 1,5 yüksəldici əmsal tətbiq edilməklə hesablanır.

Layihəyə əsasən, 2026-cı il yanvarın 1-dən Azərbaycana idxal olunan minik avtomobillərinin istehsal tarixi 7 ildən artıq olduqda, aksiz dərəcəsi hesablanmış məbləğə benzin mühərrikli minik avtomobillərinə 1,5, dizel mühərrikli minik avtomobillərinə isə 2 yüksəldici əmsal tətbiq edilməklə hesablanacaq.

Yəni, ili 2019-cu ildən aşağı olan maşınları ölkəyə gətirmək baha başa gələcək. Dizel mühərrikli maşınlarda bu artım daha çox hiss ediləcək.

Məlum olduğu kimi, hazırda ölkəyə yaşı 10-dan yuxarı olan maşınların gətirilməsi qadağandır. Bu layihə təsdiqlənsə, heç kim yaşı 7-dən az olan maşınları ölkəyə gətirməyin marağında olmayacaq. Bu da bazarda ili 2019-dan köhnə ikinci əl maşınların qiymətində artımla nəticələnəcək.

İslam
Milli.Az