Siyasət

Paşinyan və komandası Mirzoyandan imtina edir

14 Sentyabr 2023 13:38

Baxış: 911

#ERMƏNİSTAN

Dünən Paşinyanın rəhbərlik etdiyi kabinet deputatların suallarını cavablandırmaq üçün Ermənistan parlamentinə gəlib. Hakim partiyanın üzvləri xarici işlər naziri Mirzoyandan başqa, bütün nazirləri və Paşinyanı çox səmimi qarşılayıblar.

Milli.Az axar.az-a istinadən bildirir ki, bu barədə "Joxovurd" qəzeti məlumat yayıb.

"Deputatlar onları xüsusi qarşılayıb, iclas başlamazdan əvvəl nazirlərlə ayrı-ayrılıqda söhbətlər aparıblar. Lakin Mirzoyan iclasın başlamasına az qalmış parlamentə gəlib və dərhal gedib. Hakim partiya üzvləri onunla çox ünsiyyət qurmayıblar, hətta yaxın komanda yoldaşları da artıq onunla əvvəlki kimi danışmırlar. Mirzoyan da öz növbəsində komanda yoldaşları ilə çox soyuq davranıb, onlarla ünsiyyət qurmayıb", - məlumatda deyilir.

Qeyd olunur ki, 44 günlük müharibədən, xüsusən də Mirzoyanın hökumət binasında döyülməsindən sonra onunla Paşinyan arasında münasibətlər son dərəcə gərginləşib:

"Baxmayaraq ki, əvvəllər Mirzoyan Paşinyanın partiyada ən etibarlı adamı idi".

Milli.Az