Sağlamlıq

Sonsuzluq yaradan qidalar

18 Noyabr 2025 05:05
Baxış: 1 110
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Son illərdə sonsuzluq hallarının artmasında tibbi problemlərlə yanaşı, gündəlik qidalanmanın da böyük rolu var. Araşdırmalar göstərir ki, bəzi qidalar hormon balansını pozaraq həm qadınlarda, həm də kişilərdə reproduktiv funksiyalara mənfi təsir göstərir.

Milli.Az xəbər verir ki, xüsusilə emal olunmuş və trans yağlarla zəngin məhsullar, həddindən artıq şəkər qəbul edilən qidalar, hormonlu ət və toyuq məhsulları, sosiska və kolbasa kimi emal olunmuş ət də daxil olmaqla, düzgün seçilməyən qida rasionu yumurta və sperma keyfiyyətini zəiflədə bilər. Araşdırmalara görə, qazlı içkilər və enerji içkiləri insulin müqavimətini artıraraq ovulyasiya pozğunluğuna səbəb olur, kişilərdə isə testosteron səviyyəsini aşağı sala bilir. Həddindən artıq kofein qəbulu da reproduktiv sağlamlıq üçün risk faktorlarından sayılır və həm hamiləlik şansını azalda, həm də düşük ehtimalını artıra bilər.

Mütəxəssislər bildirirlər ki, sağlam qidalanma sonsuzluğun qarşısının alınmasında mühüm əhəmiyyət daşıyır və insanların daha çox təzə tərəvəz-meyvəyə, keyfiyyətli zülal mənbələrinə və təbii qidalara üstünlük verməsi tövsiyə olunur. Qeyd edilir ki, hər hansı bir qida birbaşa sonsuzluğa səbəb olmasa da, uzun müddət yanlış qidalanma hormon balansını pozaraq reproduktiv sistemi zəiflədə bilər.

Asya Hüseyn
Milli.Az 

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.