Siyasət

“Hazırkı iqtidar Ermənistanın ən rusiyapərəst hakimiyyətidir” - Alen Simonyan

3 Noyabr 2022 08:34

Baxış: 732

#ERMƏNİSTAN

"Ermənistanda ən çox rusiyapərəst hazırkı hökumətdir".

Milli.Az musavat.com-a istinadən bildirir ki, bu sözləri Ermənistan parlamentin spikeri Alen Simonyan jurnalistlərə müsahibəsində sərf edib.

Alen Simonyan Rusiyanın da bu fikirlə razılaşdığını vurğulayıb.

Erməni spiker Belarus prezidenti Aleksandr Lukaşenkonun rəsmi İrəvanla bağlı bəyanatına da toxunub. Onun fikrincə, A.Lukaşenko orada öz fikirlərini səsləndirməyib.

Bu fikirlərin müəllifinin kim olduğu soruşulduqda, Alen Simonyan belə cavab verib: "Bilmirəm, bəlkə Moskvadan, Bakıdan və ya Almatıdandır. Hesab edirəm ki, onun ciddi daxili problemləri var və güman ki, Belarus xalqı da Lukaşenkonun sözlərini bəyənməyib. Təəssüf edirəm".

"Baş nazir Nikol Paşinyan niyə Lukaşenkoya cavab vermir" sualına isə Alen Simonyan reaksiya göstərildiyini, sadəcə olaraq videonu ictimaiyyətə edilmədiyini söyləməklə kifayətlənib.

Milli.Az