Siyasət

Erməni deputatlar Qarabağa gəliblər - TƏXRİBAT

11 Avqust 2022 19:42
0 Şərh     Baxış: 2 411
#SİYASƏT

Ermənistan parlamentinin "Hayastan" blokundan olan bir qrup deputat bu gün Qarabağa yola düşüb.

Məlumatı "Hraparak" qəzeti yayıb.

Qəzet yazır ki, müxalifət deputatları "Laçın dəhlizi"ndəki Rusiya sülhməramlılarının onların Qarabağa daxil olmasına icazə verib-verməyəcəklərini yoxlamaq qərarına gəliblər.

Çünki rusiyalı hərbçilər bir müddət əvvəl erməni jurnalistlərin sərhədi keçib Qarabağa girməsinə icazə verməmişdilər.

"Hraparak" erməni deputatların artıq sərhədi keçdiklərini yazıb.

"Sərhədi keçən müxalifətçilərlə əlaqə saxladıq, dedilər ki, suallarımızı sonra cavablandıracaqlar. Bizə bildirdilər ki, onlar Ağavnoya (Laçının Zabux yaşayış məntəqəsində qanunsuz salınmış  qəsəbə-red.) yaxınlaşırlar", - "Hraparak" yazıb.

Qəzet erməni deputatların Qarabağ səfərilə bağlı  əlavə məlumat yayacağını vəd edib.

Xatırladaq ki, Azərbaycan tərəfi Laçın şəhəri, Zabux və Sus kəndlərinə qanunsuz yaşayan ermənilərin avqustun 25-nə kimi çıxmalarını tələb edib. Hazırda həmin ərazilərdə yır-yığış başlayıb və ermənilər köçməyə hazırlaşırlar. Heç şübhəsiz ermənistanlı deputatların bölgəyə gəlişi təxribat xarakteri daşıyır. Onların məqsədi Laçında yaşayan mülki şəxslərin dirəniş göstərməsinə çalışmaq, yaşayış məntəqələrini boşaldılmasına mane olmaqdır.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.