Siyasət

"Azərbaycan regionun əsas oyunçusuna çevrilib"

30 İyun 2022 14:15
Baxış: 485

Azərbaycan regionun əsas oyunçusuna çevrilib.

Milli.Az Trend-ə istinadən bildirir ki, bunu Pakistan Senatının sədri Məhəmməd Sadiq Sancrani Qoşulmama Hərəkatı Parlament Şəbəkəsinin Bakı konfransında çıxışı zamanı deyib.

Azərbaycanın bu illər ərzində uğurlu siyasi kurs yürüdərək regionun əsas oyunçusuna çevrildiyini vurğulayan Sadiq Sancrani Qoşulmama Hərəkatı çərçivəsində təsis edilən Parlament Şəbəkəsinin mühüm bir hadisə olduğunu qeyd edib.

"Biz qlobal sülh, çiçəklənmə, inkişaf naminə əməkdaşlığı hər zaman dəstəkləmişik və bunu siyasi kursumuzda prioritet hesab etmişik. Qısamüddətli yox, uzunmüddətli strategiyaya diqqət yönəltməli, yalnız öz xalqlarımızı deyil, qlobal dünyanı düşünməliyik", - o bildirib.

Qeyd edək ki, iyunun 30-da Heydər Əliyev Mərkəzində Qoşulmama Hərəkatı Parlament Şəbəkəsinin "Dünyada sülhün və dayanıqlı inkişafın təşviqində milli parlamentlərin rolunun gücləndirilməsi" mövzusuna həsr olunan Bakı konfransı işə başlayıb.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics