Siyasət

“Baydenin ölmüş atasına da sanksiya tətbiq ediblər” - Rusiya məsxərəyə qoyuldu

16 Mart 2022 00:02

0 Şərh Baxış: 1 708

#RUSİYA-UKRAYNA MÜHARİBƏSİ

Ağ Evin sözçüsü Cen Psaki ABŞ Prezidenti Co Baydenin Rusiyanın sanksiya siyahısına salınması ilə bağlı zarafat edib.

Milli.Az "qafqazinfo"-ya istinadən xəbər verir ki, Vaşinqtonda keçirdiyi brifinq zamanı Psaki vurğulayıb ki, Rusiya sanksiyaları amerikalıların nəzərdə tutulan məqsədlərinə ciddi təsir göstərməyəcək.

"Heç kəsi təəccübləndirməyəcəyəm ki, heç birimiz Rusiyaya turist səfəri planlaşdırmırıq. Heç kimin Rusiyada bank hesabı yoxdur ki, biz onlara daxil ola bilməyək. Ona görə də biz irəliyə davam edəcəyik", - deyə Psaki bildirib.

O, Rusiyanın sanksiyalarla bağlı bəyanatında "Prezident Bayden-balaca" qeyd olunmasına da gülüb: "Ola bilsin ki, Baydenin ölmüş atasına da sanksiya tətbiq ediblər".

Milli.Az