Sağlamlıq

"Halal pivə"lərlə bağlı həkimdən xəbərdarlıq

19 Noyabr 2025 23:00

Baxış: 1 555

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

"Alkoqolsuz" içkilər də zərərlidir.

Milli.Az xəbər verir ki, bunu rusiyalı həkim-fizioloq Aleksandr Kalyujin deyib.

"Alkoqolsuz içkilər heç də tam "təhlükəsiz" deyil. Onlarda spirt səviyyəsi 0,5%-ə qədər ola bilər ki, bu da uşaqlar, hamilə qadınlar, qaraciyər xəstələri və alkoqol asılılığından müalicə alan şəxslər üçün zərərlidir.

Bundan əlavə, istehsalçılar bu içkilərə dad və "tamlıq" vermək üçün şəkər əlavə edir və ya təbii şəkərlər qalır. Nəticədə, bir stəkan alkoqolsuz şərab və ya bir butulka alkoqolsuz pivə enerji baxımından şirin qazlı içkilərlə müqayisə edilə bilər. Müntəzəm istehlak isə çəki artımı, qan şəkərinin yüksəlməsi və trigliserid səviyyəsinin artması ilə nəticələnir ki, bu da ürək-damar xəstəlikləri üçün risk faktoru sayılır".

Kalyujin əlavə edib ki, alkoqolsuz içkilərdə fermentasiya məhsulları, yəni üzvi turşular və biogen aminlər qalır. Həssas şəxslərdə bunlar dəri qızarması, baş ağrısı, burun tutulması və həzm sistemi problemlərinə səbəb ola bilər. Həmçinin pivədə olan purin birləşmələri orqanizmdə sidik turşusunun artmasına gətirib çıxarır ki, bu da podaqra və böyrəkdə daş əmələ gəlməsi riskini artırır.

Ekspert həmçinin vurğulayıb ki, alkoqolsuz içkilər, xüsusilə yeniyetmələr və alkoqol asılılığı riski olan şəxslər üçün psixoloji baxımdan da təhlükəlidir.

Beləliklə, adi qəbul edilən "alkoqolsuz" içkilər də sağlamlıq üçün risk daşıyır və diqqətlə istehlak olunmalıdır.

İsmayıl
Milli.Az