Sağlamlıq

Qışda qadınlarda istəksizliyin səbəbi açıqlandı

20 Noyabr 2025 01:01

Baxış: 1 874

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ

Soyuq aylarda seksual istəkdə azalma bir neçə amillə bağlıdır.

Milli.Az xəbər verir ki, bunu Florida Psixoanalitik Mərkəzinin seksoloqu Mindy DeSeta "Tyla" nəşrinə açıqlamasında bildirib.

Gün işığının azalması, qalın və isti geyimlər, həmçinin fiziki aktivliyin azalması libidoya ciddi təsir göstərir.

Ekspert izah edib ki, qışda gün işığının azalması hormonlara birbaşa təsir edir: testosteron, serotonin və melatonin səviyyələri düşür. Testosteron kişi libidosunu və ereksiya funksiyasını, sperma istehsalını və keyfiyyətini tənzimləyir. Melatonin isə bədən saatını idarə edir və gün işığının azalması səbəbindən artır, nəticədə seksual aktivlik azalır. Serotonin səviyyəsinin düşməsi isə əhvalı pisləşdirir və narahatlığı artıraraq libidonu zəiflədir.

Həmçinin qış geyimləri də seksual istəyə mənfi təsir göstərə bilər. Həcimli sviterlər, çox qatlı geyimlər və qalın paltarlar insanlarda öz bədənlərini "bağlı" hiss etdirir və hisləri zəiflədir.

Üçüncü mühüm faktor fiziki aktivliyin azalmasıdır. Yayda insanlar daha çox hərəkət edir, gəzintiyə çıxır, üzürlər, bu da qan dövranını yaxşılaşdırır və seksual həyəcanı artırır. Qışda isə evdə çox qalmaq və metabolizmin yavaşlaması seksual istəyi aşağı salır.

Ekspert vurğulayıb ki, vitamin D çatışmazlığı da qışda libido azalmasına təsir edən amillərdən biridir. Çünki bu vitaminin azlığı ereksiyanın yaranmasında rol oynayan penil toxumaların vəziyyətinə mənfi təsir göstərir.

Beləliklə, qışda libidonun azalması həm bioloji, həm də fiziki faktorlarla bağlıdır və bunun qarşısını almaq üçün gün işığından maksimum istifadə, aktiv həyat tərzi və vitamin D səviyyəsinin qorunması tövsiyə olunur.

İsmayıl
Milli.Az

Milli.Az - Xəbər Portalı

Qışda qadınlarda istəksizliyin səbəbi açıqlandı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?