Kulinariya

Damağınızı dadlandıracaq praktik limon topları resepti

28 May 2026 00:12
Baxış: 257
VTB-də minimal faiz dərəcəsi ilə nağd kredit 9.9%-dən
#KULİNARİYA

Xüsusilə qəhvənin yanına çox yaraşan, limonlu çizkeyk dadında möhtəşəm bir təam. Bu reseptlə qonaqlarınıza həm estetik, həm də çox ləzzətli ikramlar hazırlaya bilərsiniz.

Milli.Az inqrediyentləri təqdim edir:
(Ölçü üçün istifadə olunan 1 su stəkanı: 200 ml)

1 xörək qaşığı kərə yağı

3 xörək qaşığı qaymaq (krema)

1 ədəd limonun qabığı (rəndələnmiş)

Təxminən 200 q ağ şokolad (rəndələnmiş halı ilə 1 su stəkanı)

3 xörək qaşığı təzə sıxılmış limon şirəsi

Yarım çay qaşığı sarıkök (zerdeçal - rəng verməsi üçün)

Üzəri üçün:

Pudra şəkəri

Hazırlanması:
Kərə yağı, qaymaq və rəndələnmiş limon qabığını kiçik bir qaba alıb, ocağın üzərində çox az (ehtiyatla) qızdırıb bişiririk.

Ayrı bir qabda rəndələnmiş ağ şokoladı və limon şirəsini qarışdırırıq.

Ocaqdan aldığımız isti qaymaqlı qarışığı ələkdən süzərək şokoladların üzərinə əlavə edirik.

Bu qarışığı benmari üsulu (içi qaynar su dolu qazanın üzərinə qoyaraq) tamamilə əriyib bircinsli olana qədər qarışdırırıq. Tam bu mərhələdə şirinə gözəl sarı rəng verməsi üçün sarıkökü də əlavə edib yaxşıca qarışdırırıq.

Hazır olan qarışığın üzərini streç filmlə bağlayıb, ən az 1 saat müddətinə dondurucuya qoyuruq.

Qarışıq tam bərkiyib sıx bir konsistensiya (kıvam) aldıqdan sonra dondurucudan çıxarırıq. Əlimizlə kiçik toplar düzəldib hər tərəfini pudra şəkərinə batırırıq.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.