Kulinariya

Bu gün nə bişirim? - Gündəlik ev yeməyi menyusu

27 Yanvar 2026 00:44
Baxış: 8 209
VTB-də minimal faiz dərəcəsi ilə nağd kredit 9.9%-dən
#MARAQLI

Bu gün süfrənizdə həm vitamin deposu olan şorba, həm də klassik bir əsas yemək var.

Milli.Az günün reseptlərini təqdim edir:

Tərxunlu Toyuq Şorbası
Qış aylarında immun sistemini gücləndirən, həm doyumlu, həm də şəfalı bir seçimdir.

Lazım olanlar: Toyuq sinə əti, un, qatıq, yumurta sarısı və təzə tərxun.

Hazırlanması: Toyuq ətini qaynadıb didin. Digər tərəfdən qatıq, yumurta sarısı və unu çırparaq şorbanın terbiyəsini (meyanəsini) hazırlayın. Toyuq suyunu yavaş-yavaş bura əlavə edib qarışdırın. Ən sonda didilmiş toyuqları və xırda doğranmış tərxunu əlavə edib bir az da qaynadın.

Əsas Yemək: Badımcan Musakkası
Türk mətbəxinin ən sevilən klassiklərindən biridir.

Lazım olanlar: Badımcan, çəkilmiş ət (qiymə), soğan, sarımsaq, bibər və pomidor tomatı.

Hazırlanması: Badımcanları halqa-halqa doğrayıb acısını çıxarmaq üçün duzlu suda saxlayın, sonra qurulayıb az yağda qızardın. Qiyməni soğan, bibər və tomatla qovuraraq dadlı bir içlik hazırlayın. Qazana və ya soba qabına bir qat badımcan, bir qat qiymə düzərək az miqdarda isti su əlavə edib bişirin.

Qarnir: Vermişelli düvü plovu
Musakkanın yanına ən çox yaraşan, dən-dən tökülən bir plov.

Düyüləri bişirməzdən əvvəl ilıq duzlu suda 20 dəqiqə saxlamaq və bişirərkən bir neçə damcı limon suyu əlavə etmək düyünün qar kimi ağ və parlaq olmasını təmin edir.

Desert: Südlü manna halvası
Yüngül və sürətli hazırlanan bir şirniyyat.

Hazırlanması: Manna yarmasını kərə yağında qızılı rəng alana qədər qovurun. Üzərinə şəkər tozu ilə qarışdırılmış isti südü əlavə edin. Südü tamamilə çəkdikdən sonra qapağını bağlayıb dəmlənməyə qoyun.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.