Maraqlı

Qarğışın təsiri varmı?

11 Sentyabr 2021 20:15
2 Şərh     Baxış: 875

Qarğış və nifrin insanın həm dünyasına və həm də axirətinə təsir edə bilir. Ona görə də qarğış və nifrinləri dildə deyilən boş söz hesab etməyin.

Nifrinin dünya təsirlərindən biri - insanın avara halda həyat sürməsidir. Əgər insan nifrinə layiq olarsa və nifrin onu tutarsa, avara həyat keçirər. Necə ki, yəhudilər Həzrət Musanın (ə) nifrinindən sonra belə olmuşdular.

Nifrinin dünya təsirlərindən biri də mal-dövlətdən məhrum olmaqdır. "Musa (fironçuların iman gətirməsindən naümid olduqdan sonra) dedi: "Ey Rəbbimiz, Sən Firona və onun qövmünün başçılarına dünya həyatında (bolluca) zinət və (çoxlu) mallar verdin ki, ey Rəbbimiz nəhayət (bəndələrini) Sənin yolundan azdırsınlar. Ey Rəbbimiz, onların mallarını məhv et və qəlblərini sərtləşdir ki, ağrılı əzabı görənə kimi iman gətirməsinlər (və Harun Musanın nifrininə "amin" deyirdi)"". ("Yunus" 88).

Nifrinin başqa təsirlərindən biri də qəlbin qəsavət bağlamasıdır.

Bu dünyada bəzən rastımıza gələn bəlalar kimlərinsə etdikləri aha görə olar. Biz onlara zülm edəndə, onlar Allaha pənah aparmış və bizi Allaha tapşırmışdılar.

Alimlərin nəzərinə görə, nifrinin ən şiddətli halı o zaman baş verir ki, məzlum zalımı Allaha tapşırır.

Nəql edirlər ki, bir gün mərhum Baba Rüstəm, mərhum Hacıya buyurur ki, şəhərə gedib bir qədər qatıq və çörək alsın.

Hacı da o cür edir və şəhər gedib deyilənləri alır. Geri qayıdan zaman məmurlardan biri ilə rastlaşır. O, Hacıdan istəyir ki, onun atını və paltarlarını bir müddət saxlasın ki, o, çayda üzüb qayıda bilsin. Ancaq Hacı deyir ki, vaxtım yoxdur. O cahil insan da əlində olan şallaqla Hacının başına vurur və başını yaralayır. Hacı başının qanını çayda yuyur və geri qayıdır.

Baba Rüstəm onu bu halda görəndə soruşur ki, nə baş vermişdir? Hacı da olanları danışır. Baba Rüstəm soruşur ki, o, səni vuran zaman ona bir şey dedinmi?

Hacı deyir: "Xeyr, onu Allaha tapşırdım".

Bu sözləri eşidən Baba Rüstəm dəhşətə gəlir və deyir: "Tez qayıt və o insanı tənbeh et".

Hacı tələsərək həmin yerə gəlir. Ancaq artıq iş-işdən keçmişdi və at sahibini elə yerə çırpmışdı ki, canı çıxmışdı. Beləcə qarğış həmin məmuru dərhal tutdu və o, həyatını itirdi.

Nifrinin axirət təsirlərindən biri budur ki, insanın ölümünü tezləşdirər. Pis ölümlə dünyadan gedər.

Ona görə də ey əzizlərim! Çalışın elə-belə nifrin etməyəsiniz. Yalnız Allah bəyənən yerlər istisnadır.

Milli.Az

Şərh yaz:

2 Şərh:

  • Anonim
    dunyaya nifret eden · 11 Sentyabr 21:2320

    zalımlar at oynadıre dünyada hani qarğışlarin tesiri. uşağ başı allatmiyin

    Cavab yaz
  • Anonim
    Xumar · 13 Sentyabr 16:2410

    O dünyanın ezabi coxdur

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.