Maraqlı

“5G” dəstəkli ucuz “Vivo iQOO U3x” smartfonu təqdim ediləcək

23 Mart 2021 23:40

Baxış: 1 030

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

İnternet mənbələrində kommersiya bazarına "iQOO U3x" adı ilə çıxarılacaq yeni "Vivo" smartfonunun texniki xüsusiyyətləri barədə məlumat dərc edilib.

Milli.Az ictnews.az-a istinadən bildirir ki, söhbət beşinci nəsil mobil rabitə şəbəkəsini dəstəkləyən ucuz qurğudan gedir. Məlumata görə, onun əsasını 2 giqahers takt tezlikli səkkiz nüvəni birləşdirən "Qualcomm Snapdragon 480" prosessoru, "Adreno 619" sürətləndiricisi və "Snapdragon X51 5G" modemi təşkil edir.

Bildirilir ki, smartfon 13 və 2 milyon pikselli sensorlara malik qoşa kamera, 90 giqahers yeniləmə tezliyinə malik ekran və 5 min milliamper/saat tutumlu akkumulyator batareyası ilə təchiz ediləcək.

Qeyd edək ki, "Vivo" şirkətinin çeşidində hazırda "iQOO U3" qurğusu mövcuddur. Qurğu "5G" modemli "MediaTek Dimensity 800U" prosessoru, 90 giqahers yeniləmə tezlikli 6,58 düymlük "Full HD " ekran və 5 min milliamper/saat tutumlu akkumulyatorla təchiz olunub. Lakin qoşa kameraya 48 və 2 milyon pikselli sensorlar daxildir.

Beləliklə, "iQOO U3x" modelinin qiymətinin ucuzlaşdırılması məqsədilə onun bir sıra xüsusiyyətləri ixtisar ediləcək. Qiymətin 150 dollar səviyyəsində olacağı gözlənilir. "iQOO U3" smartfonunun qiyməti 230 dollar təşkil edir.

Milli.Az