Maraqlı

Koronavirusu öldürən yeni təyyarə oturacaqları

13 Avqust 2020 20:10

Baxış: 991

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Dünyanın ən böyük aviasiya şirkətləri üçün kabin dizaynını hazırlayan Britaniyanın Priestman Goode dizayn şirkəti, koronavirusu öldürməyə qadir olan gələcəyin təyyarə oturacaqlarını nümayiş etdirib.

Milli.Az deyerler.org-a istinadən bildirir ki, yeni dizayn sərnişinləri infeksiyanın yayılmasından qorumağa yönəldilib. İnnovativ dizaynın gigiyena və uçuş keyfiyyətini də artırmalı olduğu vurğulanmışdır. Yeni oturacaqların istehsalında koronavirusu öldürən ultrabənövşəyi təmizləyici üsullara malik materiallar istifadə ediləcək.

Bundan əlavə, təyyarələrdəki bölümlərin adları da dəyişəcək. Ekonom klassa "Pure Skies Zones" adını verən dizaynerlər, VİP sinifi "Pure Skies Rooms" adlandırıblar. Gələcəyin ekonom klass sərnişinləri arasında təmas imkanlarını minimuma endirmək üçün bəzi oturacaqlar dama taxtası kimi yerləşdiriləcək.

Britaniyalı dizaynerlərinin fikrincə, gələcək təyyarələrdə artıq uçuşda əyləncə sistemi olmayacaq, bunun əvəzinə sərnişinlər öz smartfonlarında məzmunu izləyə biləcək.

Simsiz enerji yükləmə cihazları da oturacaqlara quraşdırılacaq. Zibil və zərərli bakteriyaların çox olduğu yerdə oturacaq cibləri də olmayacaq. Ciblər kilidlənə bilən paketlərlə əvəz olunacaq. "Pure Skies Rooms" sərnişinlərinin də, fərdi şkafları, pərdələri və geniş ekranlı televizorları olacaq.

Layihənin 3 ildən sonra həyata keçirilməsi planlaşdırılır.

Milli.Az