Maraqlı

Ayaqlarınızı panelə uzatmaq vərdişi çox pis nəticə verə bilər

13 Fevral 2020 23:40
0 Şərh     Baxış: 1 790

Maşında gedərkən ayaqlarınızı panelin üzərinə qoyursuz? Buyurun, bu da nəticəsi.

Milli.Az ted.az-a istinadən bildirir ki, rentgen bu vərdişin nəyə gətirib çıxara biləcəyini göstərib. Görüntüdə ayaqlarını panelə qoyan və qəzaya düşən qadının çanağında nə baş verdiyi açıq əks olunub. Qəza zamanı bud sümüyünün biri tamamilə sınıb, digəri isə yuvasından çıxıb.

Uels polislərinin biri bu görüntünü paylaşaraq sərnişinləri avtomobildə bu cür oturmamağa çağırıb:

"Bu, ön oturacaqda əyləşərək ayaqlarını panelə qoymuş sərnişinin toqquşma zamanı aldığı dəhşətli xəsarətlərin rentgenidir. Sərnişin bunu etmək istəyirsə, ona bu şəkli göstərin", - deyə o, sürücülərə müraciət edib.

Qəzaya düşən qadın sağ qalıb, ancaq xəsarətlər o qədər ağırdır ki, onun normal həyata qayıtması mümkün olmayacaq.

Qeyd edək ki, sərnişinin ayaqlarını panelə qoyması qanunla qadağan deyil, amma polis yan güzgü görünüşünə maneə törətdiyinə görə cərimə yaza bilər.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.