Maraqlı

Windows 7 2023-ə qədər dəstək alacaq: Əgər 200 dollar versəniz

12 Dekabr 2019 23:10

0 Şərh Baxış: 973

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Windows 7 üçün əsas texniki yenilənmələr dayandırılsa da istifadəçilər hələ də bu sistemi işlətməyə davam edir. Nəinki istifadəçilər, hətta korporativ şirkətlərdə belə hələ də Windows 7 əməliyyat sistemi istifadə olunur. Microsoft hər nə qədər Windows 10-a keçməyi istifadəçilərə məsləhət görsə də, Windows 7-nin stabilliyi insanları özünə cəlb edir. Bu səbəbdən Microsoft şirkəti Windows 7 üçün 2023-ə qədər dəstək verə biləcək yeni bir paket təqdim etdi.

ESU adı verilən yeni xidmət Windows 7-nin 2023 ilinə qədər təhlükəsizlik yenilənmələrini almasını mümkün edir. Bu xidmətdən yararlanmaq üçün 200 Dollar verməli olacaqsınız.

Milli.Az technote.az-a istinadən bildirir ki, ESU açılışı "Extendet Security Updates" olan "Genişləndirilmiş Təhlükəsizlik Yenilənmələri" mənasını verir. Əvvəldən bilinən məlumatlara görə 14 yanvar 2020-də Windows 7 üçün texniki dəstək sonlandırılacaq. Lakin ESU xidməti hesabına istifadəçilər Windows 7-ni 2023-ilinə qədər istifadə edə biləcəklər. İşin pis tərəfi isə odur ki, bu xidmətdən hər kəs yararlana bilməyəcək. İstifadə edə bilmək üçün korporativ şirkət və ya ən azından şəxsi biznesiniz olmalıdır. Bunlar olduğu halda 200 dollar qarşılığında Windows 7 Pro versiyasını 3 il müddətinə istifadə edə biləcəksiniz. Yəni ƏS bütün təhlükəsizlik yenilənmələrini alacaq. Həmçinin qeyd edək ki, bu qiymət sadəcə bir komputerə aiddir.

Milli.Az