Soda və sirkə ilə yastıqdakı sarı ləkəni ağappaq edin

Yastıq üzləri bir müddət sonra nə qədər yuyulsa da saralmağa başlayır. Mütəxəssislər saralan yataq dəstlərini zibilə atmaq və ya ağır kimyəvi maddələrlə köhnəltmək əvəzinə mətbəxdə olan iki əsas materialla kəskin həll yolu təqdim edirlər. 

Milli.Az xəbər verir ki, təmizlik mütəxəssislərinə görə, yuxu zamanı bədənin ifraz etdiyi tər, təbii yağlar, tüpürcək və yatmazdan əvvəl çəkilən dəriyə qulluq məhsulları birbaşa parçaya nüfuz edir. Zamanla yığılan bu qalıqlar yastıq üzlərində silinməsi çətin olan sarı ləkələr buraxır. Üstəlik, bu yığınlar qoruyucu baryerləri aşaraq yastığın içinə qədər sızır; bakteriya, nəm və allergen yaranmasını tətikləyir.

Parçanı köhnəltmədən ləkələri çıxarıb atmaq üçün ehtiyacınız olan tək şey: Soda və sirkə. Mütəxəssislər sodanın pis qoxuları udub toxumalardakı çöküntüləri yumşaltdığını, sirkənin isə mineral yığınlarını həll edərək parçaları parıldatdığını vurğulayırlar.

Təmizlik zamanı ən sıx edilən səhvin iki materialı eyni anda qarışdırmaq olduğunu qeyd edən mütəxəssislər sirkə və sodanın birləşdikdə bir-birinin təsirini sıfırladığı barədə xəbərdarlıq edirlər. Ən yüksək səmərəni əldə etmək üçün tətbiq edilməsi lazım olan addım-addım təmizlik rejimi belədir:

İslatma: Pambıqlı yastıq üzünü içərisinə yarım stəkan soda əlavə edilmiş iliq və ya isti suda təxminən 30 dəqiqə gözlədin.

Yuma: Vaxt tamam olduqda üzü yaxşıca durulayın və normal yuyucu vasitənizlə camaşırxana maşınında yuyun.

Sirkə əlavəsi: Qulluq etiketinə uyğundursa, maşınınızın durulama (yumşaldıcı) gözünə bir stəkan distillə edilmiş sirkə əlavə edin.

Yuma sonrası ləkə tamamilə yox olmayıbsa, məhsulun qətiyyən qurutma maşınına atmayın. Quruducudakı yüksək istilik ləkənin parçaya sabitlənməsinə yol açır. Ən sağlam üsulun paltar ipində hava ilə qurutmaq olduğu, bunun da kif və göbələk yaranmasının qarşısını aldığı ifadə edilir.

Müəllif: Ülkər Vəliyeva (Milli.Az redaktor)