Maraqlı

Avtomobili park edərkən musiqi səsini azaldırsınızsa, psixoloji açıqlaması var

7 Avqust 2026 08:08

Baxış: 337

VTB-də minimal faiz dərəcəsi ilə nağd kredit 9.9%-dən

#AVTOMOBİL

Avtomobil idarə edərkən bir çox insanın fərqində olmadan etdiyi kiçik bir hərəkətin arxasında beyinin işləmə şəkli dayanır. Xüsusilə geriyə doğru park edərkən, tıxacda hərəkət edərkən və ya yad bir ərazidə ünvan axtararkən sürücülərin radionu söndürməsi və ya səsini azaltması təsadüf deyil. Mütəxəssislərə görə bu davranış beyinin diqqəti ən vacib vəzifəyə yönəltmək üçün inkişaf etdirdiyi təbii müdafiə mexanizmidir.

Milli.Az xəbər verir ki, alimlər beyinin görmə, eşitmə, toxunma, qoxu və dad kimi fərqli duyğulardan gələn məlumatları eyni anda emal edə bildiyini, lakin birdən çox mürəkkəb vəzifəyə eyni səmərəliliklə diqqət yetirə bilmədiyini qeyd edirlər. "Review HAK" nəşrində yer alan məlumata görə, sürücü geriyə park etmə, güclü yağış altında avtomobil idarə etmə və ya sıx şəhər trafikində irəliləmə kimi diqqət tələb edən vəziyyətlərlə qarşılaşdıqda, beyin avtomatik olaraq ən kritik vəzifəyə üstünlük verir.

Ona görə də bir çox sürücü fərqində belə olmadan radionun səsini azaldır və ya avtomobil içindəki söhbəti ikinci plana atır. Beləliklə, beyin diqqəti yayındıran səsləri azaldaraq ətrafdakı maneələri qiymətləndirməyə, məsafəni hesablamağa və avtomobili təhlükəsiz şəkildə istiqamətləndirməyə daha çox diqqət yetirə bilir.

Mütəxəssislər insanların əslində eyni anda birdən çox mürəkkəb iş görmədiyini, diqqətlərini çox sürətli şəkildə vəzifələr arasında dəyişdirdiklərini ifadə edirlər. Emal edilməli olan məlumat miqdarı artdıqca səhv etmək riski də yüksəlir. Buna görə də diqqəti yayındıran ünsürləri azaltmaq beyinin təhlükəsizliyi artırmağa yönəlmiş tamamilə təbii bir refleksi olaraq qiymətləndirilir.

Müəllif: Ülkər Vəliyeva (Milli.Az redaktor)