Şou-biznes

Antonio Banderas infarktdan sonra hər şeyi dəyişdi: "Sanki gözümə eynək taxdılar"

7 Avqust 2026 04:04

Baxış: 198

VTB-də minimal faiz dərəcəsi ilə nağd kredit 9.9%-dən

#AKTYOR

Hollivud ulduzu, aktyor Antonio Banderas 2017-ci ildə keçirdiyi infarktı həyatının ən yaxşı hadisəsi saydığını etiraf edib.

Milli.Az oxu.az-a istinadən xəbər verir ki, o, bu barədə "People" jurnalına müsahibəsində danışıb.

"Sanki kimsə gözümə eynək taxdı ki, əvvəllər görmədiyim reallığı görə bilim", - deyə o, qeyd edib.

Banderas vurğulayıb ki, ölümə yaxın olmaq həyatda yer almağa layiq olmayan şeylərə vaxt sərf etməyin nə qədər axmaqlıq olduğunu xatırlatdı. İnfarktdan sonra o, siqareti tərgidib və doğma Malaqaya (İspaniya) qayıdıb.

Hazırda artist şəhərdə teatr sahəsini fəal şəkildə inkişaf etdirir - o, tamaşalar və müzikllər səhnələşdirilən "Teatro Soho CaixaBank"ın sahibidir. O, həmçinin yerli restoranlara da investisiya yatırır.

ABŞ-də uzun illər çalışmasına baxmayaraq, Banderas məhz İspaniyada özünü həqiqətən tam dəyərli hiss etdiyini vurğulayır.

"Los-Ancelesdə gözəl və həyəcanlı illər idi, lakin məndə həmişə bunun həmişəlik deyil, müvəqqəti bir şey olması hissi var idi. Bilirdim ki, mənim yerim Malibuda deyil, Malaqadadır", - deyə o, bildirib.

Xatırladaq ki, Antonio Banderas 10 avqust 1960-cı ildə İspaniyanın Malaqa şəhərində polis zabiti və məktəb müəlliməsi ailəsində anadan olub.

Müəllif: Ülkər Vəliyeva (Milli.Az redaktor)