Siyasət

Ceyhun Bayramov Ukrayna Təhlükəsizlik Şurasının katibi ilə görüşüb (Foto)

6 Avqust 2026 21:38

Baxış: 1 897

#XARİCİ İŞLƏR NAZİRLİYİ

Azərbaycanın xarici işlər naziri Ceyhun Bayramov Ukrayna Milli Təhlükəsizlik və Müdafiə Şurasının katibi İqor Klimenko ilə görüşüb.

Milli.Az xəbər verir ki, bu barədə Ceyhun Bayramov "X" sosial şəbəkəsindəki səhifəsində paylaşım edib.

"Ukraynaya rəsmi səfərim çərçivəsində Ukrayna Milli Təhlükəsizlik və Müdafiə Şurasının katibi İqor Klimenko ilə görüşməkdən məmnun oldum.

Regional və beynəlxalq təhlükəsizlik məsələləri, eləcə də enerji təhlükəsizliyi sahəsində əməkdaşlıq perspektivləri barədə məzmunlu fikir mübadiləsi apardıq.

Beynəlxalq hüququn fundamental prinsiplərinə uyğun olaraq dövlətlərin suverenliyinin, ərazi bütövlüyünün və beynəlxalq səviyyədə tanınmış sərhədlərinin toxunulmazlığının qorunmasının vacibliyini bir daha təsdiqlədik, həmçinin regionda sülhün, sabitliyin və dayanıqlı inkişafın əhəmiyyətini vurğuladıq", - deyə nazir paylaşımında qeyd edib.

Müəllif: Ülkər Vəliyeva (Milli.Az redaktor)