Yayda bu içki ürək tutmasını dərhal tətikləyir

Yay istilərinin şiddətləndiyi günlərdə tez-tez müraciət edilən enerji içkiləri ciddi sağlamlıq riskləri daşıyır. Yüksək temperaturlarda bədənin onsuz da əlavə enerji sərf etdiyini qeyd edən mütəxəssislər bu dövrdə istehlak edilən stimullaşdırıcı içkilərin ürək və damar sağlamlığı üçün ağır yük yarada biləcəyi barədə xəbərdarlıq edirlər.

Milli.Az xəbər verir ki, yay mövsümündə bədənin istilik balansını qoruya bilməsi üçün ürəyin daha çox çalışdığını vurğulayan Dr. Yuriy Qaborets tərləmə yolu ilə baş verən mineral, duz və su itkisinin susuzlaşma (dehidrasiya) riskini artırdığını ifadə edir. Bədən onsuz da yüksək istiliklə mübarizə apararkən istehlak edilən enerji içkiləri ürək-damar sistemindəki təzyiqi ikiqat artırır.

Dərin yorğunluq və ürəkdöyüntü yaradır
Tərkibindəki sıx kofein və yüksək şəkər miqdarının bədəndə müvəqqəti enerji hissi yaratdığını qeyd edən Qaborets bu vəziyyəti "bədəndən borc almaq" kimi səciyyələndirir. İçkinin təsiri keçdikdən sonra daha dərin yorğunluq, yuxusuzluq və ürəkdöyüntü yaranır. Enerji içkilərindən sonra sürətli və nizamsız ürək döyüntüsü, həddindən artıq tərləmə və titrəmə, ani təzyiq yüksəlməsi, eləcə də yüksək həyəcan və halsızlıq əlamətləri müşahidə olunur.

"Su əvəzinə enerji içkisi istehlak etməyin"
Edilən ən böyük səhvlərdən birinin susuzluğu bu cür içkilərlə qarşılamağa çalışmaq olduğunu söyləyən Dr. Qaborets böyüklər üçün gündəlik təhlükəsiz kofein həddinin 400 milliqram olduğunu xatırladır. Lakin gün ərzində istehlak edilən çay, qəhvə və şokolad kimi qidalarla bu həddin asanlıqla aşıla biləcəyinə diqqət çəkir.

İsti yay günlərində ən sağlam sərinləmə üsulunun bol su və ya mineral su istehlak etmək, kölgədə qalmaq və bədəni dincəltmək olduğu vurğulandır. Həqiqi canlılığın qutularda satıla bilməyəcəyini qeyd edən mütəxəssislər keyfiyyətli yuxu, balanslı qidalanma və kifayət qədər su istehlakının ən təhlükəsiz enerji mənbəyi olduğunu xatırladırlar.

Müəllif: Ülkər Vəliyeva (Milli.Az redaktor)