Cəmiyyət

Hava ilə bağlı son məlumat

6 Avqust 2026 09:48

Baxış: 1 076

VTB-də minimal faiz dərəcəsi ilə nağd kredit 9.9%-dən

Bəzi dağlıq və dağətəyi rayonlarda qısamüddətli yağış və şimşəkli hava müşahidə olunub.

Milli Hidrometeorologiya Xidmətinin avqustun 6-sı saat 09:00-a olan məlumatına görə, ölkə ərazisinin əksər hissəsində hava şəraiti əsasən yağmursuz keçib.

Qeyd edilib ki, ayrı-ayrı rayonlarda yağıntının miqdarı Daşkəsən, Gədəbəy, Şəmkir, İsmayıllı, Xaçmaz, Qrız, Qusar, Gəncə, Sarıbaş (Qax) və Şəkidə 1 mm təşkil edib.

Hazırda Bakı və Abşeron yarımadasında şimal-qərb küləyi əsir, küləyin maksimal sürəti 18 m/s-dir. Bölgələrdə isə əsasən cənub-şərq küləyi müşahidə olunur. Ən güclü külək Culfada 21 m/s, Naxçıvanda isə 16 m/s olub.

Məlumata görə, maksimal temperatur Bakıda və Abşeron yarımadasında 34, Naxçıvan Muxtar Respublikasında 38, Aran rayonlarında 39, dağlıq ərazilərdə isə 26 dərəcəyədək isti olub.

Müəllif: Malik Məlikov (Milli.Az redaktor)