Pəncərələri bu saatlarda silməyin: İz buraxmayan təmizlik üçün məsləhətlər

Böyük həvəslə pəncərələri silib bitirdiyinizi düşünərkən, günəş vuran kimi ortaya çıxan o ləkələr və cızıqlar hər kəsin ortaq dərdidir. Saatlarla çalışmanıza baxmayaraq, şüşələrin yenə də dumanlı və ləkəli görünməsi, əslində çox kiçik səhvlərin nəticəsidir.

Milli.Az pəncərələrin parlamasına mane olan ən böyük səhvləri təqdim edir:

Səhv əski və material seçimi: Kağız dəsmal və ya köhnə pambıq parçalarla şüşə silmək ən böyük səhvdir. Bu materiallar şüşənin üzərində xırda liflər buraxır və şüşə quruduqda dumanlı görüntü yaradır.

Doğrusu: Mikrofiber əskilərdən istifadə edin. Bu əskilər kiri içərisinə haps edir və tük buraxmır. Əskini qatlayaraq istifadə etmək və kirləndikcə təmiz tərəfinə keçmək daha yaxşı nəticə verir.

Səhv zamanlama və hava şəraiti: Günəşli və ya küləkli havada təmizlik etmək ən böyük xətalardandır. Çünki siz silməyə çatmamış təmizləyici maye quruyur və iz buraxır.

Doğrusu: Buludlu və sakit havalar şüşə təmizliyi üçün idealdır. Əgər günəşli gündə silməli olsanız, kölgədə qalan tərəfdən başlayın.

Səhv məhsul və silmə texnikası: Çox köpüklənən deterjanlar və ağır kimyəvi maddələr şüşənin üzərində incə bir təbəqə buraxır ki, bu da ləkəyə səbəb olur. Həmçinin dairəvi hərəkətlərlə silmək kiri yayır.

Doğrusu: Su və sirkə qarışığı kimi sadə həllər çox daha effektlidir. Silmə prosesini yuxarıdan aşağıya düz xətlər (istiqamətlər) üzrə etmək daha parlaq və izsiz nəticə verir.

Parlıq üçün kiçik, lakin effektli ipucular:

Çərçivədən başlayın: Şüşəni silməmişdən əvvəl pəncərə çərçivələrini və kənarlarını təmizləyin. Əks halda oradakı toz şüşəyə bulaşacaq.

Ayrı əski: Şüşə üçün həmişə ayrı bir əski saxlayın, digər təmizliklərdən qalan tozlar şüşəni cıza bilər.

Doğru material, doğru zamanlama və düzgün texnika ilə pəncərələriniz iz buraxmadan şüşə kimi parlayacaq.

Müəllif: Ülkər Vəliyeva (Milli.Az redaktor)