Hadisə

Dostları ilə Zuğulba çimərliyinə gedən gənc boğuldu

22 İyul 2019 09:59
0 Şərh     Baxış: 1 085

"Zuğulba" çimərliyində meyiti tapılan şəxsin kimliyi məlum olub.

Milli.Az Trend-ə istinadən xəbər verir ki, 18 oktyabr 1997-ci il təvəllüdlü, Azərbaycan Respublikası vətəndaşı Xaritonov Andrey Aleksandroviç iyulun 21-də təxminən saat 16 radələrində dostları ilə birlikdə Bakı şəhəri, Xəzər rayonu, Buzovna qəsəbəsi, "Zuğulba" çimərliyində dənizdə üzərkən ehtiyatsızlıq edib suda boğularaq ölüb.

Məlumatla əlaqədar olaraq istintaq-əməliyyat qrupu yaradılaraq meyit hal şahidlərinin iştirakı ilə ətraflı müayinə olunmaqla fotoşəkillər çəkilib, Andrey Xaritonovun meyiti ölüm səbəbinin müəyyən edilməsi məqsədilə daxili və xarici müayinə edilməsindən ötrü MTE və PA Birliyinin Xəzər rayon şöbəsinə təqdim edilib.

Faktla əlaqədar rayon prokurorluğu tərəfindən araşdırma aparılır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.