Hadisə

Sükan arxasında yuxulayan sürücü körpüdən aşdı - (Video)

14 İyul 2026 12:47

Baxış: 446

VTB-də minimal faiz dərəcəsi ilə nağd kredit 9.9%-dən

#HADİSƏ #YOL QƏZASI

Xaçmaz rayonunda minik avtomobili körpüdən çaya düşüb, sürücü xəsarət alıb.

Bu barədə Baş Dövlət Yol Polisi İdarəsi (BDYPİ) məlumat yayıb.

Bildirilib ki, yol-nəqliyyat hadisəsi Xaçmaz-Xudat avtomobil yolunda, Qudyalçay üzərində yerləşən körpüdə qeydə alınıb.

Məlumata görə, Xaçmaz rayon sakini Hüseyn Məmmədovun idarə etdiyi "VAZ" markalı avtomobil idarəetmədən çıxaraq körpüdən çaya aşıb.

Qəza nəticəsində sürücü müxtəlif dərəcəli bədən xəsarətləri alıb.

İlkin araşdırmalar zamanı hadisəyə səbəb kimi sürücünün yorğun və yuxusuz vəziyyətdə avtomobil idarə etməsi ehtimalı irəli sürülüb.

BDYPİ qeyd edib ki, yorğunluq və yuxusuzluq səbəbindən baş verən yol-nəqliyyat hadisələri ağır nəticələrə səbəb ola bilər. Qurum sürücüləri istirahət rejiminə əməl etməyə, yorğun halda sükan arxasına keçməməyə və yol hərəkəti zamanı diqqətli olmağa çağırıb.

İdarə vurğulayıb ki, yol qəzalarının qarşısının alınmasında əsas amillərdən biri sürücülərin məsuliyyətli davranması və sükan arxasında daim diqqətli olmasıdır.

Müəllif: Malik Məlikov (Milli.Az redaktor)