Hadisə

Azərbaycanda bir ailənin 4 üzvü qidadan zəhərləndi - 11 yaşlı uşaq ÖLDÜ - YENİLƏNİB

12 Fevral 2026 19:49

Baxış: 2 516

VTB-də minimal faiz dərəcəsi ilə nağd kredit 9.9%-dən

#HADİSƏ #ZƏHƏRLƏNMƏ

Sabirabadda baş verən hadisə nəzarətdədir. Hadisənin səbəblərinin, həmçinin qida zəhərlənməsi olub-olmamasının müəyyənləşdirilməsi məqsədilə Qida Təhlükəsizliyi Agentliyinin (AQTA) mütəxəssisləri müvafiq qurumların əməkdaşları ilə birgə araşdırmalara başlayıb.

Bu barədə Milli.Az-a AQTA-dan məlumat verilib.

Bildirilib ki, araşdırmaların nəticələri ilə bağlı ictimaiyyətə məlumat veriləcək.

Qeyd edək ki, hadisə ötən gecə baş verib. Qida zəhərlənməsi şübhəsi ilə Sabirabad rayonunun Saraxanbəyli kənd sakinləri - bir ailənin 4 üzvü Şirvan xəstəxanasına zəhərlənmə diaqnozu ilə müraciət edib.

Mədələri yuyulandan sonra evə buraxılan ailə üzvlərindən 2015-ci il təvəllüdlü Cəfərov Hüseyn Cavanşir oğlunun halı pisləşdiyindən yenidən xəstəxanaya çatdırlıb. Xəstəxanadan bildirildiyinə görə, bu gün saaat 15 radələrində yenidən xəstəxanaya çatdırılan azyaşlının həkiməqədər ölümü qeydə alınıb.

-----------

Sabirabadda 11 yaşlı uşaq qidadan zəhərlənərək ölüb.

Milli.Az xəbər verir ki, ötən gecə qida zəhərlənməsi şübhəsi ilə Sabirabad rayonunun Saraxanbəyli kənd sakinləri - bir ailənin 4 üzvü Şirvan xəstəxanasına zəhərlənmə diaqnozu ilə müraciət edib.

İlkin məlumata görə, ailənin zəhərlənməsinə səbəb konservləşdirlmiş tərəvəz məhsulu ehtimal edilir.

Faktla bağlı araşdırma aparılır./APA

Milli.Az