Hadisə

Toyda qaçırılan uşağın nənəsi danışdı: "Günorta saatlarından izləyirmiş" - VİDEO

20 Aprel 2025 18:19

Baxış: 6 716

VTB-də minimal faiz dərəcəsi ilə nağd kredit 9.9%-dən

#OĞURLUQ #UŞAQ

18:19

"Uşağa bir manat uzadıb, pulu götürəndə, maşına qoyub qaçırdıb".

Milli.Az xəbər verir ki, bu sözləri aprelin 19-da Ağstafa rayon Aşağı Göycəli kəndi ərazisində keçirilmiş toy mərasimindən qaçırılan iki yaşlı qızın nənəsi deyib.

O bildirib ki, 57 yaşlı Telman Omarov uşağı günorta saatlarından izləyib.

"Axşam uşağa yemək gətirmək üçün aşağı düşdük. Bir göz qırpımında uşağı götürüb qaçıb. Yaxşı ki, çöldə dayanan bir nəfər onu görüb. Bizə dedi, bildik ki, Telmandır".

Daha ətraflı İctimai TV-nin süjetində:

------------
23:50
Aprelin 19-da Ağstafa rayonunun Aşağı Göycəli kəndində keçirilən toy mərasimində 2 yaşlı qız uşağının oğurlanması ilə bağlı məlumat yayılıb.

Milli.Az xəbər verir ki, 57 yaşlı birinci Qarabağ müharibəsi iştirakçısı Telman Omarov azyaşlını mərasimdən oğurlayaraq yaşadığı ünvana aparıb. Uşağı geri almaq üçün evinə gələn valideynlərin qarşısını almaq məqsədilə T.Omarov həyətində saxladığı iti onların üzərinə buraxıb.

Hadisə zamanı sərxoş vəziyyətdə olan şəxs polis əməkdaşları tərəfindən saxlanılıb. Azyaşlı valideynlərinə təhvil verilib.

Faktla bağlı araşdırma aparılır. /APA

Milli.Az