Hadisə

Bərdədə baş verən dəhşətli qəzanın görüntüləri yayıldı: meyitlər yola səpələnib - YENİLƏNİB - VİDEO - FOTO

2 Fevral 2023 21:58

Baxış: 8 612

VTB-də minimal faiz dərəcəsi ilə nağd kredit 9.9%-dən

#HADİSƏ #YOL QƏZASI

21:58

Yevlax-Ağdam-Laçın yolunun təmir olunan 37-ci kilometrliyində baş verən qəzada ölən şəxslərin adı məlum olub.

Milli.Az APA-ya istinadən xəbər verir ki, "VAZ 2121" ("Niva") markalı 90-EA-774 dövlət qeydiyyat nişanlı avtomobillə 34-BG-302 dövlət qeydiyyat nişanlı "Mercedes Benz" markalı avtomobillərin toqquşması nəticəsində ölən şəxslərin adı aşağıdakılardır:

Quliyev Ceyhun Arif oğlu (1988);

Baxşəliyev İlkin Məhərrəm oğlu (1995);

Kərəmova Xalidə İsa qızı (1972);

Baxşəliyev Məhərrəm Nüsrət oğlu (1968);

Baxşaliyeva Məfdunə Məhərrəm qızı (1998).

2001-ci il təvəllüdlü Baxşaliyeva Fəridə Məhərrəm qızı müxtəlif bədən xəsarətləri alaraq Bərdə Rayon Diaqnostika Mərkəzinə müraciət edib.

19:39

Milli.Az qafqazinfo-ya istinadən xəbər verir ki, yaralılardan daha biri həyatını itirib. Daha bir yaralının isə vəziyyətinin ağır olduğu bildirilir.

19:01

DİN-in Baş Dövlət Yol Polisi İdarəsi Bərdə rayonunda, Yevlax-Ağdam-Laçın yolunda baş verən qəza barədə məlumat açıqlayıb.

DİN-in Baş Dövlət Yol Polisi İdarəsindən APA-ya bildirilib ki, qəza nəticəsində ilkin məlumata görə, 2 nəfər ölüb, 2 nəfər xəsarət alıb.

-------

18:39

Bərdə rayonunda ağır yol-nəqliyyat hadisəsi baş verib.

Milli.Az Trend-ə istinadən xəbər verir ki, hadisə Bərdə-Ağdam avtomobil yolunun Bərdə rayonunun Kətəlparaq kəndindən keçən hissəsində qeydə alınıb.

Belə ki, iki minik avtomobilinin toqquşması nəticəsində 4 nəfər ölüb, 1 nəfər isə ağır bədən xəsarətləri alıb. Yaralı dərhal Bərdə Mərkəzi Rayon Xəstəxanasına çatdırılıb.

Faktla bağlı araşdırma aparılır.

Milli.Az