Hadisə

Zaqatalada itkin düşən hindistanlı turistin axtarışları davam etdirilir

25 May 2022 15:45
0 Şərh     Baxış: 1 810
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Zaqatalada dağlıq ərazidə itkin düşən Hindistan vətəndaşının axtarışları davam etdirilir.

DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov bildirib ki, turist kimi ölkəmizə səyahət edən və Zaqatalada çətin relyefə malik dağlıq ərazidə itkin düşən 29 yaşlı Hindistan Respublikası vətəndaşının axtarışları davam edir.

M.Məsimov bildirib ki, Daxili İşlər Nazirliyi, eləcə də Ekologiya və Təbii Sərvətlər Nazirliyinin aidiyyəti strukturunun əməkdaşlarından ibarət qruplar axtarışlara cəlb olunub.

Onun tapılması istiqamətində bütün zəruri tədbirlər görülür.

Xatırladaq ki, mayın 17-də Hindistan Respublikasının vətəndaşı, 1993-cü il təvəllüdlü Kondaveeti Manikath adlı şəxsin Zaqatalada olan itkin düşməsi ilə bağlı polisə müraciət daxil olub.

İlkin araşdırma nəticəsində onun mayın 12-də Zaqatalada qaldığı hoteli tərk etdiyi və Car kəndinin çətin relyefə malik yüksək dağlıq ərazisinə getdiyi müəyyən olunub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.