İdman

Xanəndə Pərviz dünya çempionu oldu - (Foto)

6 İyul 2026 16:42

Baxış: 916

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #İDMANÇI

Azərbaycanın tanınmış muğam ifaçısı, eyni zamanda peşəkar bodibildinq idmançısı Pərviz Qasımov Portuqaliyada keçirilən bodibildinq üzrə Dünya Çempionatında ən yüksək nəticəyə imza atıb.

Milli.Az musavat.com-a istinadla xəbər verir ki, Pərviz Qasımov yarışın mütləq qalibi adına layiq görülərək dünya çempionu olub.
O, həmçinin dünyanın ən ağır çəki dərəcəsində peşəkar idmançı statusunu təsdiqləyən Pro Card əldə edib.

Qasımov bildirib ki, bu uğurun Azərbaycanın Portuqaliyada yeni səfirliyinin açıldığı günlərə təsadüf etməsi onun üçün xüsusi əhəmiyyət daşıyır.

"Yaşasın Azərbaycan, yaşasın Azərbaycan idmanı! Cənab Prezidentə biz idmançılara göstərdiyi daimi diqqət və qayğıya görə təşəkkür edirəm. O, hər zaman bizə dəstəyini və səmimiyyətini əsirgəməyib", - deyə dünya çempionu vurğulayıb.

Qeyd edək ki, Pərviz Qasımov Televiziya Muğam Müsabiqəsi və Beynəlxalq Muğam Müsabiqəsinin qaliblərindəndir.

Müəllif: Tural Hüseyn (Milli.Az redaktor)