Texnologiya

“WhatsApp”a yeni qadağa: Profilləri skrinşot etmək olmayacaq

13 İyun 2024 22:20
Baxış: 939
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"WhatsApp" messencerinin "iPhone" versiyası istifadəçi profillərinin skrinşot edilməsinin qarşısını alan yeni funksiyanı təqdim edib.

Milli.Az lent.az-a istinadən xəbər verir ki, hazırda funksiya "WhatsApp"ın yalnız "iPhone" üçün 24.10.10.70 nömrəsi altında beta versiyasında mövcuddur. 

Bu versiyanın istifadəçiləri başqasının profilini skrinşot etməyə cəhd edərkən qadağa xəbərdarlığı alırlar.

"Skrinşot bloklanıb. "WhatsApp" istifadəçilərinin məxfiliyini qorumaq üçün bu skrinşot bloklanıb", - bildirişdə deyilir.

Yenilik kontaktlarını aldatmaq üçün başqalarının profil fotolarından istifadə edən fırıldaqçılara qarşı mübarizə aparmaq üçün nəzərdə tutulub. Bu funksiya skrinşot çəkmə imkanını bloklasa da, kiminsə başqa cihazdan ekran şəklini çəkməsinə heç bir maneə törətmir.

Bu funksiyanın tətbiqin bütün versiyalarına yayılacağı gözlənilir. Lakin yerləşdirmənin dəqiq vaxtı hələlik açıqlanmayıb.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.