Sağlamlıq

"Bu qidaları yeyən gənclərin ürəyi "saatlı bomba" kimidir"

14 Oktyabr 2025 22:00

Baxış: 6 138

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #SAĞLAM QİDA #FASTFUD

"Bu qidaları yeyən gənclərin ürəyi "saatlı bomba" kimidir".

Milli.Az xəbər verir ki, bu barədə türkiyəli mütəxəssis həkim Dr. Yusuf Altınkayna deyib.

Onun sözlərinə görə müasir həyat tərzi bu artımın əsas səbəbidir.

Həkim "Modern həyat tərzinin gətirdiyi hərəkətsizlik, stress və zərərli qidalanma gənc insanların ürəyində saatlı bomba təsiri yaradır" deyib.

Altınkaynak vurğulayıb ki, ailəsində ürək xəstəliyi olanlar, siqaret çəkənlər, piylənmə və diabet xəstələri daha böyük risk altındadır. Bu gənclərdə sinə ağrısı, nəfəs darlığı və ürək döyüntüsünün pozulması kimi əlamətlər daha tez ortaya çıxır. Bəzən ürək tutması sinə ağrısı olmadan, sadəcə zəiflik və ürəkbulanma ilə də başlayır.

Həkim qeyd edib ki, gənclərdəki artımın kökündə nəzarətsiz risk faktorları dayanır. Hərəkətsiz həyat, "fast-food" tipli qidalanma və yuxu rejiminin pozulması damar sərtliyini sürətləndirir.

Uzm. Dr. Altınkaynak risk qrupuna daxil olan gəncləri 20 yaşından etibarən mütəmadi ürək yoxlamalarından keçməyə çağırıb. O, özünü sağlam hiss etməyin kontrolları təxirə salmaq üçün səbəb olmadığını bildirib. Həkim deyib ki, erkən diaqnoz gələcəkdə baş verə biləcək ciddi problemlərin qarşısını ala bilər.

İsmayıl
Milli.Az