Sağlamlıq

Qədri bilinmir, amma damarları təmizləyir, arıq saxlayır - Gözə də faydası var

8 Sentyabr 2025 22:31

Baxış: 854

VTB-də yüksək depozit faizleri daha çox qazandırır

#SAĞLAMLIQ #SAĞLAM QİDA

Hər gün süfrəmizdə olan, amma çox vaxt qiyməti bilinməyən pomidor sağlamlıq üçün çox faydalıdır.

Milli.Az bildirir ki, bu barədə qidalanma üzrə mütəxəssis Dr. Maykl Qreger açıqlama verib.

Onun sözlərinə görə pomidorun tərkibindəki vitaminlər, minerallar və güclü antioksidantlar həm ürək-damar sağlamlığını qoruyur, həm də qarın, bel və omba nahiyəsindəki artıq piylərin əriməsinə kömək edir.

"Pomidor likopen baxımından ən zəngin məhsullardan biridir. Bu maddə damarları təmizləyir, xolesterinin yığılmasının qarşısını alır, həmçinin bəzi xərçəng növlərinə qarşı qoruyucu təsir göstərir. Xüsusilə bişmiş pomidorda likopenin faydası daha güclü olur.

"Kalium və C vitamini qan təzyiqini tənzimləyir, damarlarda xolesterolu azaldır, hüceyrələri zədələnmədən qoruyur, xərçəng riskini azaldır, kollagen istehsalını artırır, dərini gənc və elastik saxlayır.

Pomidor həmçinin arıqlamağa kömək edir. Az kalorili və liflə zəngin olduğu üçün uzun müddət toxluq yaradır, artıq çəkidən qurtulmağa yardım edir. Pomidordakı lif qəbizliyin qarşısını alır, həzmi asanlaşdırır. A vitamini, kalsium və K vitamini ilə gözləri və sümükləri möhkəmləndirir.

Mütəxəssislər bildirirlər ki, pomidor suyunu müntəzəm içmək damarları təmizləyir, qan laxtalanması riskini azaldır.

İsmayıl
Milli.Az