Sağlamlıq

İmmuniteti payıza necə hazırlamaq olar?

21 Avqust 2025 05:05
Baxış: 1 200
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Çoxları hesab edir ki, yayda bol-bol meyvə və tərəvəz yeməklə bütün il üçün kifayət qədər vitamin ehtiyatı yığmaq mümkündür.

Milli.Az xəbər verir ki, lakin praktikant Marina Meleşina Life.ru-ya verdiyi müsahibədə bu fikrin tam doğru olmadığını bildirib.

Mütəxəssis izah edib ki, yalnız bəzi vitaminlər orqanizmdə müəyyən müddət saxlanıla bilir, digərləri isə davamlı olaraq yenilənməlidir. Məsələn, A vitamini (beta-karoten) orqanizmdə 3-5 ay qalır və onun səviyyəsini yüksəltmək üçün qırmızı və narıncı tərəvəzlərin istehlakı məsləhət görülür. B9 vitamini (folatlar) isə təxminən iki ay ərzində orqanizmdə saxlanılır, buna görə də yaşıl yarpaqlı tərəvəzlər və salatlar bu vitamini bərpa etmək üçün faydalıdır.

C vitamini isə orqanizmdə yığılmır, artıq hissəsi dərhal xaric edilir. Eyni qayda suda həll olunan B vitaminlərinə də aiddir. Onların səviyyəsi daim tənzimlənməli və əlavələrlə təmin edilməlidir. Yağda həll olunan vitaminlər (A, D, E, K) isə müəyyən müddət bədəndə qala bilir.

Həkim həmçinin vurğulayıb ki, yayda mövsümi məhsullardan maksimum istifadə etmək vacibdir, lakin bu, bütün il üçün vitamin ehtiyatı təmin etmir. Payıza hazırlıq üçün isə balanslı qidalanma çox önəmlidir. Daha çox balıq, yumurta və probiotik məhsullar qəbul etmək, bol su içmək və gündə ən azı səkkiz saat yatmaq tövsiyə olunur. Günlərin qısaldığı payız aylarında isə yatmaq vaxtını təxminən bir saat əvvələ çəkmək faydalıdır.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.