Sağlamlıq

Hamiləlikdə ayaq niyə şişir?

11 İyul 2025 22:00
Baxış: 1 318
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Hamiləlik dövründə qadınların əksəriyyətində ayaq və topuq nahiyəsində şişkinlik müşahidə olunur.

Milli.Az xəbər verir ki, bu hal əsasən fizioloji dəyişikliklərlə əlaqələndirilir və təhlükəli hesab olunmur.

Həkimlər bildirir ki, hamiləlik zamanı bədəndə qan və maye miqdarı artır. Bununla yanaşı, böyüyən uşaqlıq qarın boşluğundakı damarlara, xüsusilə ayaqlardan qayıdan venalara təzyiq göstərir. Nəticədə ayaqlarda maye toplanaraq ödem yaradır.

Şişkinliyə səbəb olan digər amillər arasında hormon səviyyəsinin dəyişməsi, damarların genişlənməsi və isti hava şəraiti də göstərilir. Xüsusilə yay aylarında bu əlamət daha da nəzərə çarpır.

Mütəxəssislər bildirir ki, hər iki ayaqda yüngül şişkinlik normal hesab olunur. Lakin şişkinlik yalnız bir ayaqda yaranıbsa, ağrılıdırsa və ya digər narahatedici əlamətlərlə müşayiət olunursa, bu halda dərhal həkimə müraciət edilməlidir. Bu cür hallar bəzi hallarda ciddi risklərin göstəricisi ola bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.