Sağlamlıq

Yatmazdan əvvəl qəbul edin: Yuxuda əzələ "çıxardacaqsınız"

15 May 2025 23:16

Baxış: 6 947

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #XƏSTƏLİK

Yatmazdan əvvəl qəbul edilən zülal sayəsində yatarkən əzələ inkişafı mümkündür. Alimlərin fikrincə, idman zalında saatlarla tərləməkdən əlavə, yatmazdan öncə bir stəkan kazein proteini içmək əzələlərin təmirini və böyüməsini dəstəkləyir. Bu, bədəninizin bütün gecə boyunca işləməsini təmin edir.

Milli.Az xəbər verir ki, funksional təbabətin tanınmış mütəxəssisi Dr. Mark Hyman bildirib ki, yatmazdan əvvəl 40 qram zülal qəbul etmək orqanizmi 7,5 saat ərzində əzələ inkişaf rejimində saxlayır. 2012-ci ildə aparılan bir araşdırmada idman edən 16 sağlam kişi iki qrupa bölünüb. Bir qrupa yatmazdan 30 dəqiqə əvvəl 40 qram kazein zülalı verilib. Nəticədə əzələ protein sintezində 22% artım müşahidə olunub və yuxunun keyfiyyətinə mənfi təsiri olmayıb.

Kazein zülalı inək südündə olan və yavaş həzm olunan bir protein növüdür, buna görə də gecə istifadə üçün ideal sayılır. Bu protein yatarkən bədəndə sabit amin turşusu səviyyəsinin qorunmasına kömək edir və əzələlərin bərpasını sürətləndirir.

Yatmazdan əvvəl qəbul edilən zülal təkcə əzələlərin böyüməsini deyil, həm də gecə aclığını yatırır, toxluq hissini artırır və çəki idarəsində faydalıdır. Lakin sağlamlıq problemi olan şəxslərə bu cür əlavələrdən istifadə etməzdən əvvəl həkim məsləhəti vacibdir.

Əzələlərin inkişafını sürətləndirmək və sağlamlıq üçün zülal qəbulu, xüsusilə yatmazdan əvvəl, əhəmiyyətli rol oynayır.

Fidan
Milli.Az