PUL
.jpg)
Çətin vəziyyətdə spirtli içkilərin ən yaxşı əvəzedicisi psixoterapevtə getmək olacaq ki, o da danışmağa və çətin vəziyyəti həll etməyə kömək edəcək.
Milli.Az oxu.az-a istinadən xəbər verir ki, Rusiyalı psixiatr-narkoloq Tatyana Karpova deyir ki, bir çox insanlar alkoqolun həqiqətən stresi müalicə etdiyinə inanırlar, lakin əslində hər şey tam əksinə baş verir: "Əvvəlcə spirtli içkilər həqiqətən də qısa müddətə əhvali-ruhiyyəni yüksəldir, çünki beyin onun təsiri altında sevinc və xoşbəxtlik hormonları istehsal edir. Lakin bundan sonra sürətli eniş olur. Eyni şey streslə müşayiət olunan narahatlıqla da baş verir. Alkoqolun təsiri bitdikdə, o, güclənir.
"Nəticədə qapalı bir dairə yaranır: insan daha tez-tez və daha çox alkoqol içərək əhvali-ruhiyyəsini yüksəltməyə, stresi aradan qaldırmağa başlayır", - deyə o əlavə edib.
Narkoloq xəbərdarlıq edib ki, stresli vəziyyətlərdə alkoqol qəbulu tam asılılığa gətirib çıxara bilər. "Burada alkoqol insanı intihar həddinə çatdıra bilən tam bir depressanta çevrilir. Həmçinin, alkoqol asılı insanların yaxınları ilə münasibətlərinin pisləşməsinin katalizatoru olur. O, mübahisələrə, dava-dalaşlara səbəb olur və yaxşı münasibətləri məhv edə bilər", - deyə o sözlərini yekunlaşdırıb.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
