Sağlamlıq

Arıqlamağın yeni metodu: "30-30-30" - Niyə bu qədər populyardır?

1 İyul 2024 23:40

Baxış: 838

#SAĞLAMLIQ

Son illərdə "30-30-30" kimi tanınan yeni arıqlama üsulu populyarlıq qazanır. Onun əsas faydası çəki və qan şəkəri səviyyəsinin sürətlə azalmasıdır.

Milli.Az lent.az-a istinadən xəbər verir ki, "30-30-30" metodu belə tənzimlənir:

İnsan oyandıqdan sonra ilk 30 dəqiqə ərzində, 30 dəqiqəlik aşağı intensivlikli məşqə başlamazdan dərhal əvvəl 30 qram protein istehlak edir. Tədqiqatlar göstərir ki, arıqlamağa kömək etmək üçün səhər 7-dən 9-a qədər olan dövr idman üçün optimaldır.

Metodun yaradıcısı Tim Ferriss bunu "4 Saatlıq Bədən" kitabında təsvir edib. Bununla belə, dietoloq Şmidtin bu üsulla bağlı ehtiyatları var və səhər yeməyinizi zülaldan əlavə lif, tərəvəz, meyvə və karbohidratla zəngin qidalarla tamamlamağı təklif edir.

Bu, "30-30-30" metodunun effektiv olmadığı demək deyil, xüsusən də insanları aktiv olmağa həvəsləndirirsə. "Əgər əvvəllər məşq etməmisinizsə, hər gün 30 dəqiqə aşağı intensivlikli kardio ilə məşğul olmaq irəliləyişdir" deyə dietoloq Cason Makovski bildirib.

"Zərərli olmasa da, bu, hər kəsə uyğun bir həll deyil" deyə əlavə edir və çəki itirmək üçün yandırılan ümumi kalorilərin əhəmiyyətini vurğulayır.

Makovski "30-30-30" metodunun mümkün psixoloji faydalarını da qeyd edir. "Bir çox insanlar səhər məşq etməyin onlara gün ərzində yemək seçimlərinə daha diqqətli olmağa kömək etdiyini görür və bu da müsbət təsir göstərə bilər" deyə izah edir.

Milli.Az
Xəbərlərimizi WhatsApp kanalımızdan da oxuyun