Sağlamlıq

Stress kişilərdə xərçəng yaradır

19 Noyabr 2025 07:08
Baxış: 824
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Son illərdə prostat vəzi xərçəngi diaqnozu qoyulan kişilərin sayı artıb.

Milli.Az xəbər verir ki, uroloq Sergey Artemenko bunu iki əsas səbəblə izah edir. Birinci səbəb xəstəliyin daha erkən mərhələdə aşkarlanmasıdır. İkinci səbəb isə kişilərin həyat tərzində baş verən dəyişikliklərdir.

Prostat vəzi xərçəngi qırx yaşdan yuxarı kişilərdə ən çox rast gəlinən onkoloji xəstəliklərdən biridir. Sığorta şirkətlərinin məlumatına əsasən bu xəstəlik kişilər arasında ən çox rast gəlinən ikinci onkoloji diaqnozdur. Birinci yerdə qadınlarda döş vəzi xərçəngi dayanır. Onkoloji sığorta üzrə müraciətlərin təxminən onda biri prostat vəzi xərçənginə aiddir.

2020 ci ildə Beynəlxalq Xərçəng Araşdırmaları Agentliyi dünya üzrə bir milyon dördyüz mindən çox prostat vəzi xərçəngi hadisəsi qeydə alındığını açıqlamışdı. 2023 cü ildə dərc olunan elmi araşdırmaya əsasən 2040 cı ildə bu rəqəmin iki milyon altı yüz minə qədər artacağı ehtimal olunur.

Həkim bildirir ki bu məlumatlar iki nəticə çıxarmağa imkan verir. Birinci nəticə odur ki müasir diaqnostika imkanlarının genişlənməsi xəstəliyi daha erkən mərhələdə aşkar etməyə kömək edir. Bu isə müalicənin uğur şansını xeyli artırır. İkinci nəticə isə o qədər də sevindirici deyil. Stresli həyat tərzi yanlış qidalanma və zərərli vərdişlərin artması kişilərin sağlamlığına mənfi təsir göstərir. Bundan başqa ekologiyanın pisləşməsi də risk faktorlarından biridir.

Həkim vurğulayır ki narahatlığa əsas yoxdur. Uroloqa mütəmadi şəkildə müraciət etmək xəstəliyin qarşısını almaqda mühüm rol oynayır. Müasir tibb isə onkoloji xəstəliklərin müalicəsində böyük irəliləyiş əldə edib.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.