Dünya

“Bu, dünyanın ən axmaq sualıdır” - 1 dəqiqəyə müsahibəni BİTİRDİ

19 Noyabr 2025 10:47

Baxış: 4 336

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #TEXNOLOGİYA #MÜSAHİBƏ #INC. #WİKİMEDİA FOUNDATİON

"Vikipediyanın yaradıcısı" kimi tanınan Cimmi Ueyls verdiyi son müsahibədə gözlənilməz şəkildə studiyanı tərk edib.

Milli.Az-ın xarici mediaya istinadən xəbərinə görə, amerikalı biznesmen alman siyasi YouTube kanalına qonaq olub və özünü "Vikipediyanın qurucusu" kimi təqdim edib.

Aparıcı Tilo Yunq isə dəqiqləşdirici sual verərək soruşub: "Siz 'təsisçi' sayılırsınız, yoxsa 'həmtəsisçi'?" Bu sual Ueylsi ciddi şəkildə qəzəbləndirib. O, bunun onun üçün heç bir əhəmiyyət daşıtmadığını bildirib və sualı "dünyanın ən axmaq sualı" adlandırıb.

Aparıcı mövzunu uzatmaq istəsə də, Ueyls artıq bu barədə dəfələrlə danışdığını deyərək əsəbi şəkildə ayağa qalxıb. O, söhbəti kəskin şəkildə yekunlaşdıraraq bildirib:

"Bitirdim. Çox sağ olun! Bu axmaqlıqdır, ən axmaq sualdır."

Beləliklə, veriliş tarixinin ən qısa müsahibəsi qeydə alınıb.

Jurnalistlərin xatırlatdığı kimi, "Vikipediya"nın yaradıcıları sırasında amerikalı filosof Larri Sanger də göstərilir. O, 2002-ci ildə layihədən ayrılıb və illər ərzində onun iş prinsipini dəfələrlə tənqid edib. Bu səbəbdən "həmtəsisçi" mövzusu Ueyls üçün uzun illərdir həssas məsələ hesab olunur.

Cimmi Ueyls isə dəfələrlə bildirib ki, "həmtəsisçi" anlayışı onun üçün maraq kəsb etmir və Sangerin layihədəki rolunu düzgün əks etdirmir.

Hüseyn
Milli.Az