PUL
.png)
Harvard TH Chan İctimai Sağlamlıq Məktəbinin yeni araşdırmasına görə, xroniki tənhalıq yaşayan yaşlı insanlar tənha olmayanlara nisbətən 56% daha çox insult riski ilə üzləşirlər.
Milli.Az lent.az-a istinadən xəbər verir ki, Dr. Vivek Mörti sosial əlaqənin olmamasının vaxtından əvvəl ölüm riskini 60% -dən çox artırdığını xatırladıb.
Tədqiqatın müəllifləri heç vaxt insult keçirməmiş 50 və daha yuxarı yaşda olan 12 161 yetkinlə tənhalıq haqqında sorğu aparıblar. Dörd il sonra 8 936 nəfər yenidən sorğuda iştirak edib və eyni sualları cavablandırıb. Səkkiz illik təqib dövründə 8 936 iştirakçı arasında 601 insult hadisəsi qeydə alınıb.
Tədqiqatçılar "davamlı olaraq yüksək dərəcədə" tənha olan qrupun insult riskinin daha az tənha olan qrupdan 56% daha çox olduğunu müəyyən ediblər.
Tədqiqatçılar təkliyin insult riskinə təsirinin uzun müddət ərzində özünü göstərdiyini irəli sürürlər.
Araşdırmanın nəticələri "eClinicalMedicine"də dərc edilib.
"Təkliyin təkrar qiymətləndirilməsi xroniki olaraq tənha olan və buna görə də insult riski yüksələn insanları müəyyən etməyi asanlaşdıra bilər. Əgər biz tənhalıq hisslərini mikro və makro miqyasda həll edə bilməsək, bunun sağlamlıq üçün ciddi nəticələri ola bilər", - deyə tədqiqatçılar vurğulayıblar.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
.png)
.jpg)
