Sağlamlıq

"Viaqra"nın gözlənilməz faydaları üzə çıxdı

9 Fevral 2024 08:31

Baxış: 1 666

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

London Universitet Kollecinin alimləri erektil disfunksiya dərmanı "Viaqra"nın (sildenafil) demensiya və Alzheimer xəstəliyi riskini azaltmaqda gözlənilməz faydasını aşkar ediblər.

Milli.Az publika.az-a istinadən xəbər verir ki, məqalə "Neurology" jurnalında dərc olunub.

Heyvan tədqiqatları erektil disfunksiya dərmanlarının potensial faydalarını üzə çıxarıb, lakin insanlarda məlumatlar qeyri-müəyyən olaraq qalır.

Yeni məqalədə tədqiqatçılar 269.725 kişinin tibbi qeydlərini təhlil edərək, fosfodiesteraza inhibitorları olan dərmanlar üçün resept olanlar arasında Alzheimer xəstəliyinə tutulma riskinin orta hesabla 18 faiz aşağı olduğunu müəyyən ediblər.

Xəstəliyə tutulma ehtimalı ən çox resept alan kişilər arasında azalıb. 20-dən çox resepti olanların 56 faizə qədər azalma riski olduğu göstərilib. Bununla belə, Alzheimer xəstəliyinə tutulma riski 50-dən çox resepti olanlar arasında bir qədər yüksək olub, nəzarətlərə nisbətən 65 faiz.

Tədqiqat zamanı "Viaqra" ilə yanaşı, avanafil, vardenafil və tadalafil kimi dərmanlardan da istifadə olunub.

Sildenafil əvvəlcə angina və yüksək qan təzyiqini müalicə etmək üçün hazırlanıb. Fosfodiesteraz inhibitorları damarları və arteriyaları rahatlaşdırır, beyinə qan axını yaxşılaşdırır.

Əlavə tədqiqatlar göstərib ki, bu dərmanlar beyin hüceyrələrini qorumağa kömək edə bilən siklik guanozin monofosfat adlı birləşmənin səviyyəsini artırır.

Milli.Az
Xəbərlərimizi WhatsApp kanalımızdan da oxuyun