Gürcüstan

Antoni Blinken: "ABŞ Gürcüstana qarşı tədbir görə bilər"

23 May 2024 14:27
Baxış: 966
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Gürcüstan parlamentinin qəbul etdiyi "Xarici agentlər haqqında" Qanuna cavab olaraq ABŞ Tbilisiyə qarşı addımlar planlaşdırır".

Milli.Az oxu.az-a istinadən xəbər verir ki, bunu ABŞ dövlət katibi Antoni Blinken deyib.

"Biz cavab olaraq hansı addımların atıla biləcəyini nəzərdən keçiririk. Düşünürəm ki, bir tədbir görəcəyik", - deyə Blinken Senatdakı dinləmələrdə söyləyib.

Qeyd edək ki, mayın 13-də Gürcüstan parlamentinin Hüquq Komitəsi "Xarici təsirin şəffaflığı haqqında" (daha çox "Xarici agentlər haqqında" kimi tanınan) Qanunu üçüncü oxunuşda qəbul edib. Mayın 18-də isə Gürcüstan Prezidenti Salome Zurabişvili parlamentin qəbul etdiyi bu qanun layihəsinə veto qoyub. O əlavə edib ki, bu qanun ləğv edilməlidir.

Xatırladaq ki, gürcü müxalifətinin "Rusiya qanunu" adlandırdığı "Xarici agentlər haqqında" Qanunun müzakirəsi Tbilisidə qanun layihəsinin təsdiqinə qarşı hər gün etiraz aksiyalarının keçirilməsinə, etirazçılarla polis arasında toqquşmalara səbəb olmuşdu.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.