Məktəb açıldı, pul yığımı başladı – Valideynlər etiraz edir

Məktəblərin açılması ilə şikayətlər artıq başlandı.

Milli.Az xəbər verir ki, Bakı şəhəri Hövsan qəsəbəsi 76 nömrəli tam orta məktəbin 2-ci sinif şagirdlərindən sinif təmiri üçün pul yığılır. Dəfələrdə xəbərdarlıqlara baxmayaraq bu hallar təəssüf ki hələ də davam edir. 

Sinif valideyninin sözlərinə görə, onlardan sinif təmiri, gül pulu, gündəlik üzü üçün pul tələb olunur. Bu pulu müəllim yox, valideynlər tərəfindən qrup açılaraq elə formada yığılır.

Sözügedən ilə bağlı valideyn komitəsinin sədri bildirdi ki, sinifin rəhbəri və direktoru ilə əlaqə saxlayın. Sinif otaqları pis gündədir.

Sinif rəhbəri isə mövzu ilə bağlı bildirdi ki, valideyn komitəsi illik xərcləri qarşılamaq üçün pul yığdığını bildirib:

"Mən ona qarışa bilmərəm axı. Bu könüllü olan bir şeydir. hansısa valideynin məcbur edilməsi ilə bağlı məlumatım yoxdur, aydınlaşdıracam".

Bakı şəhər üzrə təhsil idarəsindən bildirildi ki, məsələ ilə bağlı ciddi araşdırılma aparılacaq.

Aysel Əkbər
Milli.Az