İqtisadiyyat

Bitcoin sürətlə ucuzlaşır - İnvestorlar bazardan qaçır

4 İyun 2026 09:58
Baxış: 330
VTB-də minimal faiz dərəcəsi ilə nağd kredit 9.9%-dən
#KRİPTOVALYUTA

Kriptovalyuta bazarında satışlar güclənib, qorxu indeksi 21 bəndə düşüb.

Milli.Az xəbər verir ki, qlobal kriptovalyuta bazarının kapitallaşması son 24 saatda 1,79% azalaraq 2,25 trilyon dollara enib.

"Bitcoin"in qiyməti 2,65% azalaraq 64 532 dollara düşüb. Bazarın ikinci ən böyük kriptovalyutası olan "Ethereum"un qiyməti isə 1,49% azalaraq 1 810 dollara geriləyib.

İlk beşlikdə yer alan digər aktivlərdən BNB-nin qiyməti 2,76% azalaraq 618,5 dollar olub. Qızıl qiymətinə indekslənən rəqəmsal aktivlər isə bazardakı eniş fonunda nisbətən dayanıqlılıq nümayiş etdirib. PAX Gold (PAXG) 0,29% azalaraq 4 460,7 dollara, Tether Gold (XAUt) isə 0,29% azalaraq 4 443,3 dollara düşüb.

Bazar əhvalını ölçən Fear & Greed Index (Qorxu və İştah İndeksi) 21 bənd səviyyəsində qərarlaşıb ki, bu da investorlar arasında güclü ehtiyatlılığın və riskdən yayınma meylinin artdığını göstərir.

Qeyd edək ki, son günlər kriptovalyuta bazarında müşahidə olunan enişə investorların riskli aktivlərdən çıxması, qlobal maliyyə bazarlarında qeyri-müəyyənliyin artması və Yaxın Şərqdəki geosiyasi gərginlik fonunda təhlükəsiz aktivlərə tələbin yüksəlməsi təsir göstərir. Bu şəraitdə kapitalın bir hissəsi qızıl və qızıla bağlı rəqəmsal aktivlərə yönəlir.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.