İqtisadiyyat

Səudiyyə Ərəbistanı ABŞ üçün neft qiymətlərini aşağı salmayacaq

10 Sentyabr 2022 08:24

Baxış: 694

VTB-də minimal faiz dərəcəsi ilə nağd kredit 10.49%-dən

#NEFT

Səudiyyə Ərəbistanının dövlət şirkəti "Saudi Aramco" oktyabr ayında ABŞ-dan başqa bütün regionlardan olan alıcılar üçün ixrac etdiyi neftin qiymətini aşağı salacaq.

Milli.Az "Report"a istinadən bildirir ki, Asiyaya tədarük edilən "Arab Light" markalı neftin qiyməti bir barel üçün 3,95 ABŞ dolları ucuzlaşacaq. Nəticədə o, Oman və Dubayın "neft səbəti"ndən 5,85 dollar/barel baha olacaq. Digər neft sortları isə bir barel üçün 3-4,5 ABŞ dolları ucuzlaşacaq.

Şimal-Qərbi Avropa və Aralıq dənizi ölkələrindəki müştərilər üçün Səudiyyə Ərəbistanı neftinin faktiki olaraq bütün növləri üçün qiymətlər bir barel üçün 2 ABŞ dolları azalacaq.

ABŞ-a ixrac olunan yanacağın bir bareli isə 0,5 dollar bahalaşacaq. Yalnız "Arab Light" markalı neftin qiyməti dəyişməyəcək, o, yenə də "Argus Sour Crude Index" bençmarkının kotirovkaları ilə müqayisədə bir barel üçün 6,15 dollar yüksək olacaq.

Milli.Az