İdman

Lamin Yamal "Qızıl top"dan danışdı

30 Sentyabr 2026 10:30

Baxış: 403

VTB-də minimal faiz dərəcəsi ilə nağd kredit 9.9%-dən

#BARSELONA #FUTBOL #LAMİN YAMAL

İspaniya millisinin və "Barselona"nın futbolçusu Lamin Yamal bu il "Qızıl top" mükafatını kimin qazanacağı ilə bağlı məlumatsız olduğunu bildirib.

Milli.Az xarici mətbuata istinadən xəbər verir ki, 19 yaşlı hücumçu açıqlamasında səsvermədə iştirak etmədiyini və yekun nəticələrdən xəbərsiz olduğunu deyib.

Yamal bildirib ki, hazırda onun üçün əsas məsələ mükafatın nəticəsini gözləmək deyil, futbol oynamağa davam etməkdir. O, yalnız fərdi mükafat uğrunda deyil, özünü inkişaf etdirmək, azarkeşləri sevindirmək və İspaniya millisinin uğurları üçün mübarizə apardığını vurğulayıb.

"Qızıl top"a namizədlər arasında yer alan Yamal üçün səsvermə artıq yekunlaşıb. Futbolçu indi nəticələrin açıqlanmasını gözləyir.

Qeyd edək ki, Yamal UEFA Millətlər Liqasının II turunda Xorvatiyaya qarşı keçirilən oyunda iki dəfə fərqlənib. Onun qolları İspaniyanın rəqibi üzərində 4:1 hesablı qələbəsində mühüm rol oynayıb.

"Qızıl top"un builki qalibinin adı oktyabrın 26-da Londonda təşkil olunacaq mərasim zamanı açıqlanacaq.

Müəllif: Tural Hüseyn (Milli.Az redaktor)