Maraqlı

7 alma 100 minə satıldı - (Fotolar)

14 Noyabr 2026 13:47

Baxış: 177

VTB-də minimal faiz dərəcəsi ilə nağd kredit 9.9%-dən

#MARAQLI #MEYVƏ-TƏRƏVƏZ

Yaponiyanın Hokkaydo prefekturasındakı Hakodate bazarında keçirilən ilin ilk hərracında xüsusi üsulla becərilən 7 alma 100 min yenə (təxminən 1065 manat) satılıb.

Milli.Az qafqazinfo-ya istinadən xəbər verir ki, Nanae şəhərində yetişdirilən "Nanamitsuki" markalı almaların satış qiyməti ötən ilin rekord göstəricisini təkrarlayıb.

Almaları əldə edən topdansatış şirkətinin nümayəndəsi Yuji Sotozaki onların keyfiyyətini yüksək qiymətləndirib: "Bu almalar bal kimi dadlıdır və həqiqətən də, ləzzətlidir. Əgər onları satışda görsəniz, mütləq dadın".

Şinhakodate Kənd Təsərrüfatı Kooperativinin açıqlamasına görə, builki məhsul meyvələrin böyük hissəsinin tayfunlardan zərər gördüyü ötən illə müqayisədə daha iri və keyfiyyətlidir.

Qeyd edək ki, Yaponiyada xüsusi yetişdirilən yüksək keyfiyyətli meyvələr ilin müxtəlif vaxtlarında keçirilən hərraclarda satışa çıxarılır. Alıcılar isə bu cür yüksək qiymətli alışlardan reklam və təşviqat məqsədləri üçün istifadə edirlər.

Müəllif: Tural Hüseyn (Milli.Az redaktor)