İqtisadiyyat

Ötən il Azərbaycanda rekord həddə fındıq istehsal olunub

13 Yanvar 2022 17:40
Baxış: 910
VTB-də minimal faiz dərəcəsi ilə nağd kredit 9.9%-dən

Ötən il iqlim şəraiti ilə əlaqədar pambıq istehsalında keçən dövrlə müqayisədə azalma olub. Digər məhsulların istehsalında isə stabil artım müşahidə edilib. Təqribi qiymətləndirmələrə görə, ötən il Azərbaycanda rekord həddə - 70 min tona yaxın fındıq istehsal olunub. Bu, Azərbaycan tarixində rekord göstəricidir.

Milli.Az Trend-ə istinadən xəbər verir ki, bunu Kənd Təsərrüfatı Nazirliyinin Aqrar Tədqiqatlar Mərkəzinin (ATM) direktoru Firdovsi Fikrətzadə deyib.

Onun sözlərinə görə, eyni zamanda, çəyirdəkli meyvələrin - gilas, şaftalı, ərik kimi məhsulların istehsalında da ciddi artım var.

"İqlimə və ixraca bağlı pambıq sektorundakı cüzi azalmanı nəzərə almasaq, bu sahədə də artım var. Odur ki, bu artımla qeyri-neft sektorunda pambıqçılıq mühüm rol oynamış olur. Növbəti illərdə biz pambıqçılıqla bağlı artımın davam edəcəyini gözləyirik. Eyni zamanda, bu il Azərbaycan ilk dəfə 15 milyon dollar civarında bostan məhsulları ixrac edib. Bu, yeni trenddir. Əlavə edim ki, faraş kartofun ixracı istehsalı 90 min tona çatıb ki, bu da trend hesab olunur. Heyvandarlıqda isə artım dinamikası stabil şəkildə davam edir", - o bildirib.

F.Fikrətzadə onu da qeyd edib ki, işğaldan azad edilmiş ərazilərdə ən ciddi artım gözlənilən sahələrdən biri heyvandarlıq olacaq: "Bu ərazilərdə heyvandarlıq təsərrüfatları bərpa olunduqdan sonra bizim ət və süd məhsullarına hazırda olan 85 faizlik göstəricimiz, orta hesabla 99 faizə qədər yüksələcək. Biz həmin ərazilərin hesabına ət və süd məhsulları ilə özümüzü tam təmin edəcəyik".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.